وثائق واجراءات الطلاق الاتفاقي في المغرب 2022

كينين حالات كيكونوا الزوجان متفقين على انهاء العلاقة الزوجية لأسباب خاصة بهم دون سلك مسطرة الشقاق الطويلة،
القانون عطاهوم الحق يديرو طلاق اتفاقي، هاد النوع من الطلاق هو سلوك حضاري وكيعبر على وعي الزوجان بأن العلاقة الزوجية كما بدات بسلام ممكن تنتهي بسلام بدون مشاكل.

إجراءات الطلاق في المغرب

الوثائق المطلوبة في الطلاق الاتفاقي :
1-طلب كيكتبو كاتب عمومي للسيد رئيس المحكمة الابتدائية
2-التزام مكتوب عند العدول كذلك فيه مضمون الاتفاق ديال الزوجين (مثلا يعطيها مبلغ من المال وتتنازل على جميع حقوقها بحال واجب السكنى والنفقة أو الباقي من الصداق)
3-نسخة مصادق عليها من عقد الزواج
4-شهادة طبية كتفيد أن الزوجة مشي حاملة
5-عقود الازدياد ديال الزوجين والأولاد
6-نسخ من البطاقة الوطنية ديال الزوجين.
الزوجان مغديش يحتاجو محامي باش يقدمو هاد الطلب، من بعد تقديم الطلب المحكمة كتستدعي الزوجان باش ديرليهوم الصلح، يلا مبغاوش الصلح المحكمة كتعطي الإذن للزوجين باش يكتبو الطلاق الاتفاقي عند العدول، ويلا مكتبوش عقد الطلاق عند العدول داخل أجل 15 يوم من تاريخ الاذن ديال المحكمة كيتعتابرو متراجعين على الطلاق وبالتالي كيكونو باقي مزوجينّ، وضروري الانسان يعرف أن الطلاق مكيكونش قانوني حتى يكتبو عند العدول مشي من الوقت لخداو الاذن.

اطلع ايضا على : نموذج طلب الطلاق الاتفاقي بالمغرب pdf