التسجيل في مباراة التعليم 2022 2023

شروط ومنافع قبل التسجيل في مباراة التعليم 2022 2023

مباراة التعليم يوم 11 دجنبر

إعتماد الميزة في البكالوريا والإجازة

التعليم وكما نعرف انه كيدفعوا ليه بالاجازة .. لكن هو ماشي بحال المحررين القضائيين لي الجميع كيدوز المباراة...؟.

بمعنى أن التعليم فيه انتقاء . . .أي هناك شروط معينة باش اقبلوك فقط في اللائحة لي غا يديروا عليها الاعلان وتولي أستاذ مستقبلا او استاذة .

الوثائق المطلوبة في مباراة التعليم كالتالي : بالنسبة للوصل يتم استخراجه من البوابة الإلكترونية الخاصة بالتسجيل القبلي و الرسالة التحفيزية ضروري أن تتضمن أسباب وجيهة جعلتك تترشح للمباراة ...

التسجيل في مباراة التعليم

جديد مباراة هيئة التدريس :

تحديد سن الترشح في 30 سنة

الانتقاء الأولي باحتساب ميزة الباكلوريا وميزة الاجازة

هاد الشروط حددتها الوزارة بــ :

اجازة ورجعوا الانتقاء هاد السنة .....وهنا باش غا نضمن أنا راسي بأنني غا ندوز في اللائحة ونكون ضمن الناس لي غيدوزا التعليم ؟

الاجازة هي اجازات وسنعطي المثال حول الحوار التالي بين رشيد و نسرين .

- رشيد : مرحبا، انا عندي اجازة في الدراسات الاسلامية ، وهزيتها بنقطة 12 وباغي نولي استاذة التربية الاسلامية ان شاء الله ؟

- نسرين : سي رشيد ، راك غير كتحلم...راه الدراسات الاسلامية في الانتقاء كيطلبوا نقط عالية تصل لــ 14 او 15 ، وانت عندك 12 فقط فلا انصحك أبدا دير التربية الاسلامية حيت أصلا مغاديش تكون في اللائحة .

- رشيد : مشكلة، وعويصة أيضا؟ ما الحل ؟

- نسرين : هناك جوج حوايج : إما تدفع للتعليم الابتدائي غا يهزوك حيت عندك 12، واما تدفع للتربية البدنية " هذه الأخيرة " نشوفوا واش مسموح ام لا حسب اعلان الوزارة المرتقب ...

- رشيد: ويلا كانت عندي اجازة في القانون ؟

- نسرين : هنا دفع للتعليم الابتدائي او التربية البدنية .....والامازيغية" الا داروا شي مناصب فيها أصلا " وهني راسك وسير وجد للمباراة السي رشيد ...

- رشيد : لكن ،يا نسرين، أنا الاجازة ديال القانون هزيتها بنقطة 11، وخايف منطلعش في الانتقاء....

- نسرين : المشكل يا رشيد ان الانتقاء ماشي الوزارة هي لي كتحدوا....

- رشيد : كفاش وشكون كيحدد الانتقاء ؟؟

- نسرين : المحدد له هو نقط الطلبة، حيت كيشوفوا اعلى نقطة دفعات للمباراة وكيشوفوا النقط الدنيا وعدد الناس لي دفعوا وتماك كيحدوا نقطة الانتقاء...ويلا لاحظتي السي رشيد ان نقطة الانتقاء تختلف من جهة لاخرى .

- رشيد : آه آه ، انا صاحبي لعام لي داز عندوا اجازة بنقطة 10.80 وداز ودوز المباراة وانا عندي 11 ومدزتش ؟ تماك مفهمت والو ؟

- نسرين : لا هو أمر عادي، حيت صاحبك دفع لجهة نتاع تطوان مثلا والانتقاء كان بنقطة أقل هناك عة جهة الشرق لي دفعتي ليها يا رشيد ومقبلوكش؟

- رشيد : إيه للأسف كون غير دفعت لجهة تطوان كوووون تهزيت ودوزت...

- نسرين : وحاليا ، البعض هكا كيديروا...حيت مثلا لنفترض ان تطوان طالبين عدد المناصب 300 لكن جهة الشرق طالبين غييير 150 ؟؟ فين تدفع السي رشيد ؟

- رشيد : أكيد ندفع لتطوان .

- نسرين : مزيان...لكن راه الامتحان جهوي وخووذ بعين الاعتبار انك غا تتوظف في جهة تطوان وفقط...واصلا بالخصوص في الشفوي كيعطيو الاولوية لناس تطوان على الجهااات الاخرى...

ونسيت نعلمك أرشيد أنه تماك واهد الشهادة تغنيك عن الانتقاء وكدوووز مضمون باش دوز الكتابي وهي :

الاجازة في المسالك الجامعية للتربية

الاجازة في المسالك الجامعية للتربية تخصص مهنة التدريس المستفيدين من البرنامج الحكومي

- رشيد : مشكلة فهاد التعليم؟ ؟ ؟ ؟ غا نراقب عدد المناصب نتاع كل جهة ، وغا نشوف نقط الانتقاء نتاعهوم السنة الماضية ، وتماك غا نحدد الجهة لي ندفع ليها .

اللهم الا حيدوا الانتقاء هاد السنة كبعض السنوات سابقا ...تكون الامور مزيانة ودفع لتخصصك بعدد المناصب المطلوبه فيه ....

أنصح الجميع يدفع للجهة نتاعوا .. في الغالب هناك اولويات .;والمنشور عبارة عن رسائلل ..ولولا طوله لكانت الرسائل أطول وأجمل.. موفقون رشيد بنحدو مع نسرين " فتاة من وحي الخيال وهو اسم جميل ياك ههه ". ..ومرحبا بكل تصحيح وشي دعوة خير .,,

التسجيل في مباراة التعليم بالتعاقد : tawdif.men.gov.ma

للامانة منقول بقلم رشيد بنحدو .